Што се церамиди? Ова е нешто што сигурно сте се запрашале додека ја гледате листата на состојки на производите за нега на кожа.
Церамидите се вистински херој меѓу состојките за нега на кожа што секој треба да ги запознае. Откако ќе го направите тоа, тешко е да не се заљубите. Иако помалку познати од другите состојки, церамидите се особено корисни бидејќи ја одржуваат кожата хидрирана и ја зајакнуваат нејзината заштитна бариера.
Што се церамиди?
Церамидите постојат природно во нашето тело и се главната липидна состојка што ги опкружува и ги штити клетките во горниот слој на епидермисот. Церамидите се сложена група на сфинголипиди и играат централна улога во структурата на кожата!
Тие ја подобруваат функцијата на заштитната бариера, што помага да се спречи губењето на водата, а со тоа ја одржуваат кожата хидрирана и еластична. Заштитната бариера, исто така, ја штити кожата од надворешните фактори, бактерии и други загадувачи. Доколку е нарушена бариерата на кожата, тоа доведува до сувост, дехидратација, егзема, иритација, брчки, акни, црвенило и зголемена чувствителност.
Церамидите природно се создаваат во нашата кожа, но нивното ниво значително се намалува како што старееме. Додавањето на церамиди во вашата рутина е неопходно за одржување на негувана и здрава кожа. Церамидите ќе ги најдете во течна форма и најчесто во навлажнувачите, како и во чистачите за лице, тонерите и серумите со активни состојки, како ретиноиди и гликолна киселина, кои овозможуваат нивна подлабока пенетрација во кожата. Церамидите што ги наоѓате во производите се или синтетички верзии или се добиени природно од растенија. Тие се речиси идентични со оние што веќе се наоѓаат во човечката кожа.
Каков тип на кожа има корист од церамидите?
Придобивките од церамидите на кожата
Ја одржува бариерата на кожата
Природниот процес на стареење и прекумерната употреба на груби сапуни или пилинг, може да доведат до намалување на церамидите во кожата. Кога нивното ниво се намалува, заштитната бариера на кожата се компромитира, а тоа може да доведе до трансепидермално епидермално губење на вода (TEWL). Оваа губење вода се однесува на количината на вода што минува низ епидермисот и испарува на површината на кожата. Како резултат на TEWL, кожата ќе да стане сува и иритирана со зголемен ризик од развој на воспалителни состојби како што се псоријаза, акни и егзема.
Ги намалува видливите знаци на стареење
Како што старееме, кожата се менува и ги губи структуралните протеини, како што се колагенот, еластинот и кератинот. Оваа оштетување на бариерата на кожата, доведува до потенка кожа и видливи знаци на стареење како што се брчки, фини линии и опуштеност. Церамидите имаат својства за задржување на водата и спречуваат губење на влагата од кожата. Хидрираната кожа ќе ја минимизира појавата на фини линии и брчки, кои често се повидливи кога кожата е сува.
Церамидните креми исто така можат да го стимулираат производството на кератиноцити, кои создаваат кератин. Зголемувањето на кератин помага во подмладување на бариерата на кожата и намалување на знаците на стареење.
Како да ги препознаете во производите? Церамидите обично се означени со NP, NS, EOS, EOP, AP. Особено важни се нивните прекурсори – сфинголипидите и фитосфингозинот – кои ја поттикнуваат кожата сама да произведува церамиди.
Ја заштитуваат кожата
Церамидите ја заштитуваат кожата од надворешните влијанија и загадувањето.
Изложеноста на штетните УВ зраци е одговорна за 90% од видливите промени на кожата како што се брчките, фините линии и пигментните промени. Дерматолозите ова го нарекуваат фотостареење кое е директен резултат на кумулативното оштетување од сонцето во текот на животот.
Студија од 2021 година покажа дека користењето навлажнувачи и креми за сончање кои содржат церамиди ја заштитуваат кожата од оштетувањето од УВ зраците. Производите ја подобруваат хидратацијата на кожата, помагаат во обновувањето на клетките и се борат против црвенилото и хиперпигментацијата.
Кои состојки се природни извори на церамиди?
Ако сакате да ги внесувате церамидите природно, може да ви помогне диета богата со здрави масти. Додадете повеќе ореви, семиња, мрсна риба, во вашата исхрана за да ја направите кожата сјајна. Млечните производи, јајцата и сојата содржат и многу сфинголипиди, што и дава сигнал на кожата да произведува повеќе церамиди.
Дали може церамидите да се комбинираат со други состојки за нега на кожата?
Церамидите се многу стабилна состојка и нивното користење во комбинација со други состојки може да ви помогне подобро да ги постигнете посакуваните резултати.
Цермидите добро функционираат со состојки како витамин Е, ниацинамид, лецитин и некои растителни масла (особено макадамија, сладок бадем и маслиново). Исто така се одлични кога се комбинираат со амино киселини, ретиноиди, пептиди, глицерин и хијалуронска киселина.
Нашите омилени производи со церамиди
Што да користите:
Ако барате решение за дехидратација и оштетената бариера на кожата, време е да се запознаете со целосната линија Ceramide на Revuele. Нежни формули збогатени со есенцијални церамиди и хијалуронска киселина, кои ja зајакнуваат заштитната бариера, интензивно хидрираат и ја регенерираат кожата.
Еден од нашите омилени хидрататори е серумот Revuele CYS Reconstructor – Ceramides. Го спречува сушењето на кожата, ја заштитува од надворешните загадувачи, но и од други урбани стрес фактори. Церамидите се од есенцијално значење за свежиот изглед на сувата кожа.
Сега никогаш повторно нема да прашате „Што се церамиди?!”
